الحمالي وهب

 *الحمالي وهب شيخ*🌙 التبعيض في مباني رؤية الهلال 1⃣6⃣ *ياشيخ وهب*  انا و مرتيه نرجع للسيد الخوئي.. و اعيالنا و اعيالهم يرجعون للسيد السيستاني... و كل سنة في عيد رمضان نتخربط. *وهب*  ما عليه ...هو يوم واحد في السنة...و لازم تتعودون على  التعدد و الإختلاف.   *ياشيخ* هاليوم مو عادي... يوم عيد و فرح و نبي نعيد جميع و لا ما يصير له طعم. وبعدين في  هالموضوع مو مضطريين حق هالإختلاف... الحين شيصير لو اعيالنا ارجعوا لمن يرى بو حدة الأفق مثل السيد محمد سعيد الحكيم او الشيخ اسحاق الفياض في احكام و مباني  رؤية الهلال ؟   و نعيد جميع و نفتك من هاللعواز🌝. *وهب* وحدة الأفق مسألة مو احتياطية....عشان ترجع فيها حق مرجع ثاني. *ياشيخ* اقصد الرجوع في جميع مباني الرؤية و التي من ضمنها وحدة  الأفق .. و ها انتم في الحج تشوفون مئة مخرج و مخرج للأحكام و تخلونا نبعض و نرجع حق عشرطعش مرجع!!!! اشمعنى عيد رمضان اللي مو جايين تلقون له تخريجه؟؟!! *وهب* اذا انحل موضوع هلال رمضان... يصير ما في أكشن مثل اللي نشوفه كل سنة ...ان العيد ثبت  عند شيخ فلان و ما ثبت ...

 *الحمالي وهب.. ثبوت الهلال و التكنولوجيا* في الديوانية  *وهب:* الحين ثبت العيد باجر لو لا، ترى تخربطنا. *مدعي الحداثة:* العلم تطور و صار هناك أقمار صناعية، و تلسكوب، و انتوا بعدكم على شافوه و لا ما شافوه، اقول قعدوا على تخلفكم.  *المستطوع:* هذا دين مو لعب .. عصر النص ماكان فيه نت ولا هالتكنولوجيا اللي صنعها الكفار.. ولا يوجد نص يجعلنا نقبل استعمال هالتكونوجيا في ثبوت الهلال. *وهب:* اجل على اي اساس بتعيد باجر؟  *المستطوع:* على مبنى وحدة الأفق، لأنهم شافوا الهلال وبأعينهم في بلاد الواق واق، و حضر الشهود الثقاة عند الشيخ فلان. *وهب:* و اشلون عرفتوا ان الهلال ثبت في ذيك الديرة البعيدة. *المستطوع:* بالجوال، و بشبكات التواصل الإجتماعية.. الحين العالم تطور و كلشي ينعرف في نفس الوقت.   *وهب:* وهذي مو استعمال للتكنولوجيا؟ بس بطريقة غير مباشرة ؟  *المستطوع:* اشلون؟  *وهب:*  .. يعني اللي يستعمل التكنولوجيا لمعرفة ثبوت الهلال في ديرته ما يجوز و اللي يستعملها عشان يعرف انه ثبت الهلال في بلاد الواق واق ثم يتبعهم يجوز؟  *المستطوع:*  *هاه...؟؟!! ....

 *الحمالي وهب.. ثبوت الهلال و التكنولوجيا* في الديوانية  *وهب:* الحين ثبت العيد باجر لو لا، ترى تخربطنا. *مدعي الحداثة:* العلم تطور و صار هناك أقمار صناعية، و تلسكوب، و انتوا بعدكم على شافوه و لا ما شافوه، اقول قعدوا على تخلفكم.  *المستطوع:* هذا دين مو لعب .. عصر النص ماكان فيه نت ولا هالتكنولوجيا اللي صنعها الكفار.. ولا يوجد نص يجعلنا نقبل استعمال هالتكونوجيا في ثبوت الهلال. *وهب:* اجل على اي اساس بتصوم باجر؟  *المستطوع:* على مبنى وحدة الأفق، لأنهم شافوا الهلال وبأعينهم في بلاد الواق واق، و حضر الشهود الثقاة عند الشيخ فلان. *وهب:* و اشلون عرفتوا ان الهلال ثبت في ذيك الديرة البعيدة. *المستطوع:* بالجوال، و بشبكات التواصل الإجتماعية.. الحين العالم تطور و كلشي ينعرف في نفس الوقت.   *وهب:* و هل  عندكم نص يجيز استعمال التكنولوجيا، لمعرفة وحدة الأفق.. و الهلال اللي طلع في آخر الدنيا..؟؟؟  و يحرم استعمال تكنولوجيا لمعرفة ثبوت الهلال في ديرتكم ؟؟  *المستطوع:* هاه...؟؟!! ... لا* اشلون؟؟؟  و الله ماادري 

 *الحمالي وهب .. التقوى المشلة🌾* ابن الحمالي وهب ملتزم دينيا.. و حريص جدا على  تطبيق المستحبات و تجنب المكروهات وبحذر شديد.  و في قروب العائلة دائما ما يقدم نصائح دينية.. و اثناء كتاباته لا يستعمل الا ايموجي واحد (🌾) فقط و لا يغيره اطلاقا 🌾  *فكتب وهب متسائلا في القروب:*  الحين ليش يا ولدية دائما تحط لنا صورة عقربان 🌾في كل رسايلك.. و لا تغيره كلش؟ *الولد:*  يبه .. عشان شفت سماحة العلامة  حفظه الله تعالى؛  دائما يستعمل هذا الايموجي 🌾... واخاف استعمل ايموجي ثاني 🌾.. و يطلع حرام؛ و اكون قد ارتكبت إثما و أنا ما ادري .. الإحتياط أفضل 🌾

 *الحمالي وهب .. بين الحكم الشرعي و موافقة الشيخ*  زوجة الحمالي وهب مريضة🤒.. و نصحها الطبيب 🩺بعدم الصوم و الإنتظام في أخذ العلاج 💊. *الزوجة:*  اشلون افطر في رمضان 🌙؟ ما يصير  ‼️ *وهب:*  لأنك مريضة 🩸.. هذا حكم شرعي و معروف عند كل الناس  *الزوجة:* بس ما استطيع.. خل نقول حق الشيخ احسن 🤔. *وهب:*  حاضر نسأل الشيخ .. 👳🏻‍♂️ بعد دقائق:  يقول الشيخ اذا انت مو مطمئنه اقطعي مسافة شرعية 🛣️ و فطري .. خلي ولدك ويديك شركة الأسمنت 🏗️و فطري و ارجعي ثانية🛻. و على الفور توجه ابن الحمالي وهب مع والدته إلى شركة الأسمنت 🏗️ 🕰️ وبعد قليل،،،  الابن يتصل على أبيه بالجوال📱:  يبه .. وصلنا إلى موقع شركة الأسمنت 🏗️.. لكن مكتوب هناك أنهم نقلوها إلى مكان ثاني  .. شسوي 😬 ⁉️.. اسأل الشيخ 👳🏻‍♂️و شوف شيقول ورد علينا بسرعة📲 .. مكيف السيارة خربان ..متنا من الحر 😓 و ما برحنا صايمين..🤐