الحمالي وهب

 *الحمالي وهب ..النقد حق للجميع*  *المثقف* : النقد ليس التركيز على النقص فلا يوجد شيئ في الحياة كامل خال من العيوب... و بعدين لابد ان يكون الناقد ملما بالموضوع الماما كاملا.   *المتفلسف* :  كل انسان يستطيع ان ينقد، و يجب علينا الإستماع الى نقده... فالنقد لا يقتصر على المتخصصين و  المتعلمين  *وهب*: ايه صج.... حتى انا درست الى خامس ابتدائي و تونية امخلص دورة لغة اجلينزية  لمدة شهر .. اللي  امسوين عليها عرض واحد بفلوس و الثاني مجانا و تقاسمنا المبلغ انا مع رفيجيه الحمالي حمد ... يعني اقدر انقد❔.... صح ❔ *المتفلسف*: طبعا ...لك و لكل انسان  كامل الحق في النقد ياوهب،  انقد كل شيئ عشان نتطور  ...و اول واحد تنقده هو  انا.. ...تدري انا صيدلي و عندي محاضرة في دوانية عن تطعيم الكوفيد ١٩ و عن و العلاجات ... تعال و احضر و لا تتردد في انتقادي  *و بعد انتهاء المحاضرة* ...تقدم وهب سائلا...  رحت حق   البهرماكي عشان ابي علاج حق ... *المتفلسف*:  عفوا استاذ وهب .. وين رحت؟  و ماهو البهرماكي؟  *وهب*: اشلون..❔...

 *الحمالي وهب .. و ضرورة تقييم المنتج الديني قبل النشر*. *المستطوع مناديا وهب في سوق الخضرة:* - الحق على ولدك ياوهب ..صاير فاسق. *وهب:* -ولديه فاسق؟  ولديه اخلاق، و أدب،و متفوق في دراسته.. لا..ما يصير. *المستطوع:* - مو بس آنا اللي شفته؛ كل الناس شافوه في الممشى و هو يمارس الفسق. *وهب:* - فسق؟ .. ليش شمسوي؟  *المستطوع:* - حاط سماعات في اذنه و يمشي في الممشى.. اكيد امشغل موسيقى و لا قناني..  اذا مو مصدق؛ تعال معاية الليلة  عشان تشوفه بنفسك ..  و في المسيان؛ توجه وهب مع المستطوع  للممشى و شافوا ولد الحمالي يمارس رياضة المشي؛ و فعلا في سماعة في  اذنية. *المستطوع مع وهب:* - اشقاعد تسوي هنا؟ و شنوا امشغل في هالسماعات؟ .. لا تطفي الجوال خل نسمع شنوا امشغل ؟ *الولد:* -و الله ما سويت شيء ..جاي أتمشى هنا و اللي امشغلة هو اناشيد دينية .. يعني حلال  *وهب:*  - اجل خل نسمع . *الولد:*  هاكم سمعوا .. وبس شال  سماعة الاذن؛  الا ويظهر   الصوت عاليا: .. *(طقوه بطابوقه 🎵 الما يعشق علي   🎵.. طقوه بطابوقه.. اريد اطول دمه و...

 *الحمالي وهب .. و حقوق المرأة* *وهب:* اشوف اغراضك قليلة اليوم،  كل الخضروات🥗 مشتريها بالوزن⚖️ مو بالكرتون 📦مثل العادة؟ *المتفلسف:*  ايه .. اصلي طلقت زوجتي ام فلان🧕.  *وهب:*  ليش بس الطلاق، بعد  25 سنة زواج ؟ *المتفلسف:*  اختلاف في وجهات النظر .. خلاص طلقتها.. و الحين ادور على مرة غيرها. *وهب:*  و نفقتها، وكيف تقدر تفتح بيتين؟  *المتفلسف:* لا نفقة و لا شيء .. العيال كلهم كبار و لا يحتاجون حضانة.  *وهب:* مو كأن مرتك .. متخرجة من الجامعة؟ و انت عندك شهادة  المتوسطة؟  *المتفلسف:*  ايه متخرجة مدرسة من زمان🧾  .. و الحين، ماتقدر تشتغل بذيك الشهادة😄 . *وهب:* ايه .. اتذكر يوم جاتها الوظيفة في خارج المنطقة 🛣️، و انت مارست ذكوريتك (قوامتك) و ما وافقت لها تروح .. و هي طاوعتك.  *المتفلسف:*  ايه .. و هذا من حقي.  *وهب:*  و الحين، طلقتها و تركتها بلا نفقه و بلا وظيفة و بلا مكافئة نهاية خدمة .. و بدون اي حقوق. *المتفلسف:* و انت اشخصك ياوهب ...ذي اختك، امك، بنت عمك ؟؟  لا يكون حاط نفسك محامي لها .. اقول...

 *الحمالي وهب بين العادة و العبادة* الحمالي وهب جالس يم عربانته  داقه الهم ويهوجس. 😖 *مدعي الحداثة:* تعال يا وهب حمل معايه هالأغراض .. بعدين اشفيك..❔ ليش شايل هم الدنيا على راسك❔ *وهب:* الحرمة و بناتها فنعوا.. شاريين من هالعبايات الجديدة اللي ملونة و مطرزة🪡 .. و اللي لونها أزرق و اللي رمادي و بني 🧶.. و الازيد من ذا، الصغيرة *ما تبي تلبس نقاب* 😯. *مدعي الحداثة:* ايه .. شفيها هذه موضة العبي الجديدة 🧥، و كل وقت ما يستحي من وقته . *وهب:* ما أقدر اتخيلها، تبيع خبز مسح في السوق بهالعباية .. و عشان جذا تهاوشت معاهم اليوم.. و بشوف آخرتها وإياهم   *مدعي الحداثة:* لا ... مالك حق يا وهب . *وهب:* اشلون.. اقولك بيفشلونيه  بهاللبس، و تقول انا اللي  الغلطان..⁉️ *مدعي الحداثة:*  الدليل على غلطتك .. تتذكر انك و المطاوعة كنتوا ضد النقاب و تقولون انه يسبب فتنة ❔ و الحين متمسكين فيه و تدافعون عنه.. و تقولون انه ستر..  *الدين شيء و عادات الناس شيء آخر*  اذكر الله و تعوذ من بليس، و تعال بس حمل هالاغراض .. البنت قاعدة تنتظرني في سيارتها.

 *الحمالي وهب شيخ*🌙 التبعيض في مباني رؤية الهلال 1⃣6⃣ *ياشيخ وهب*  انا و مرتيه نرجع للسيد الخوئي.. و اعيالنا و اعيالهم يرجعون للسيد السيستاني... و كل سنة في عيد رمضان نتخربط. *وهب*  ما عليه ...هو يوم واحد في السنة...و لازم تتعودون على  التعدد و الإختلاف.   *ياشيخ* هاليوم مو عادي... يوم عيد و فرح و نبي نعيد جميع و لا ما يصير له طعم. وبعدين في  هالموضوع مو مضطريين حق هالإختلاف... الحين شيصير لو اعيالنا ارجعوا لمن يرى بو حدة الأفق مثل السيد محمد سعيد الحكيم او الشيخ اسحاق الفياض في احكام و مباني  رؤية الهلال ؟   و نعيد جميع و نفتك من هاللعواز🌝. *وهب* وحدة الأفق مسألة مو احتياطية....عشان ترجع فيها حق مرجع ثاني. *ياشيخ* اقصد الرجوع في جميع مباني الرؤية و التي من ضمنها وحدة  الأفق .. و ها انتم في الحج تشوفون مئة مخرج و مخرج للأحكام و تخلونا نبعض و نرجع حق عشرطعش مرجع!!!! اشمعنى عيد رمضان اللي مو جايين تلقون له تخريجه؟؟!! *وهب* اذا انحل موضوع هلال رمضان... يصير ما في أكشن مثل اللي نشوفه كل سنة ...ان العيد ثبت  عند شيخ فلان و ما ثبت ...

 *الحمالي وهب.. ثبوت الهلال و التكنولوجيا* في الديوانية  *وهب:* الحين ثبت العيد باجر لو لا، ترى تخربطنا. *مدعي الحداثة:* العلم تطور و صار هناك أقمار صناعية، و تلسكوب، و انتوا بعدكم على شافوه و لا ما شافوه، اقول قعدوا على تخلفكم.  *المستطوع:* هذا دين مو لعب .. عصر النص ماكان فيه نت ولا هالتكنولوجيا اللي صنعها الكفار.. ولا يوجد نص يجعلنا نقبل استعمال هالتكونوجيا في ثبوت الهلال. *وهب:* اجل على اي اساس بتعيد باجر؟  *المستطوع:* على مبنى وحدة الأفق، لأنهم شافوا الهلال وبأعينهم في بلاد الواق واق، و حضر الشهود الثقاة عند الشيخ فلان. *وهب:* و اشلون عرفتوا ان الهلال ثبت في ذيك الديرة البعيدة. *المستطوع:* بالجوال، و بشبكات التواصل الإجتماعية.. الحين العالم تطور و كلشي ينعرف في نفس الوقت.   *وهب:* وهذي مو استعمال للتكنولوجيا؟ بس بطريقة غير مباشرة ؟  *المستطوع:* اشلون؟  *وهب:*  .. يعني اللي يستعمل التكنولوجيا لمعرفة ثبوت الهلال في ديرته ما يجوز و اللي يستعملها عشان يعرف انه ثبت الهلال في بلاد الواق واق ثم يتبعهم يجوز؟  *المستطوع:*  *هاه...؟؟!! ....

 *الحمالي وهب.. ثبوت الهلال و التكنولوجيا* في الديوانية  *وهب:* الحين ثبت العيد باجر لو لا، ترى تخربطنا. *مدعي الحداثة:* العلم تطور و صار هناك أقمار صناعية، و تلسكوب، و انتوا بعدكم على شافوه و لا ما شافوه، اقول قعدوا على تخلفكم.  *المستطوع:* هذا دين مو لعب .. عصر النص ماكان فيه نت ولا هالتكنولوجيا اللي صنعها الكفار.. ولا يوجد نص يجعلنا نقبل استعمال هالتكونوجيا في ثبوت الهلال. *وهب:* اجل على اي اساس بتصوم باجر؟  *المستطوع:* على مبنى وحدة الأفق، لأنهم شافوا الهلال وبأعينهم في بلاد الواق واق، و حضر الشهود الثقاة عند الشيخ فلان. *وهب:* و اشلون عرفتوا ان الهلال ثبت في ذيك الديرة البعيدة. *المستطوع:* بالجوال، و بشبكات التواصل الإجتماعية.. الحين العالم تطور و كلشي ينعرف في نفس الوقت.   *وهب:* و هل  عندكم نص يجيز استعمال التكنولوجيا، لمعرفة وحدة الأفق.. و الهلال اللي طلع في آخر الدنيا..؟؟؟  و يحرم استعمال تكنولوجيا لمعرفة ثبوت الهلال في ديرتكم ؟؟  *المستطوع:* هاه...؟؟!! ... لا* اشلون؟؟؟  و الله ماادري