الحمالي وهب

 *الحمالي وهب ...بين التباهي و الإستغلال*  *الابن:* يبه..الحين صج كانت عندنا مزرعة ؟  *وهب:* ايه ...چان عندنا نتيفة نخل ورثته من جدك الله يرحمه. *الولد:* و الحين وينه ؟  *وهب:* راح في الفشخرة و الزباوه  ... تصدق، اني بعت النخل و اشتريت بثمنه فيديو  ..  *الولد:* يبه ذا شيء ما ينتصدق ...جهاز بقيمة نخل، اشلون؟؟  *وهب:*  اقول لك اشلون، ... قبل 30 سنة طلع جهاز اسمه فيديو،  اللي يخلينا  نشتري الافلام ونطالعها  على التلفزيون..و كان شيء حيل جديد  ... و عشان اتزيبه جدام الناس و اهل امك  ...بعت نخلنا  بعشرة آلاف ريال، و اشتريت ذا الفيديو  اللي كان  بسبعة آلاف ذيك الحين و اشتريت بعد  5 أشرطة افلام بألف ريال، و بالأفين الباقية شريت نملية حق الفديو و التلفزيون.... و طارت قيمة النخل. *الولد:* معقول ... تبيع نخل عشان ذاك الجهاز؟  *وهب:* اللي مو معقول ان الناس ما برحت تكرر نفس الشيء و نفس الغلط..  *الولد:*  ترى يبه... ما احد سوى سواكم، و لا بكل واحد عنده نخل.. *وهب:* نفس السوايا تسونها مابرحتوا لكن بأشكال ثانية ... نفس الشيء صار مع الدش اللي اشتروه ب 20 الف، و الجوال اللي بعشرة آلاف ... و ما برحت الشر

 *الحمالي وهب .. بين النص و معطيات الواقع*  *المتفلسف:*  وهب .. ما اشوف عندك غرشة ماي معلقها في عربانتك في عز هالصيف و الحر؟    شرب الماي مهم للحفاظ على صحة الكلى. *فنط المستطوع قائلا:*  ما عليك منه، ياوهب  .. هناك روايات كثيرة تحث على  التقليل من شرب الماي .. *المتفلسف:*  تبينه نترك  كلام الدكاترة و المختصين، و نسمع كلام المطاوعة ؟! .. كثرة شرب الماي مفيدة للصحة والكلى..  *المستطوع:*  ما عليك منهم ياوهب  .. هذه روايات شريفة، و عليك اتباعها   *وهب:*  هي روايات .. ويمكن تكون ضعيفة..  احد فيكم تثبت من صحتها؟ *المستطوع:*  حتى انت يا وهب اختربت و صرت تسمع كلام المنحرفين؟  *وهب:*  و هل التقليل من شرب الماء واجب؟  *المتفلسف:*  لا ... ما احد قال  .. هي في حكم المستحبات.   *وهب:* اجل تركها جايز .. *المتفلسف:*  احسنت يا وهب، الان بدأت تصير واعي.. و لا تنس بعد أن الملوثات و الكيماويات في هذا الزمان أكثر من السابق.. زماننا مختلف و علينا أن نعي ذلك. *المستطوع:*  ما فيكم فايدة، منحرفين ..  *وهب:*  انزين و اذا قللت شرب الماي و جاني فشل في چلوتي، و تبين لك ان ذيك الروايات مو صحيحة.. تتبرع لي بچلوة من

 *الحمالي وهب .. الأديان، المذاهب  و العنصرية* *المتفلسف:* اشوفكم طايرين في السماء بسبب زيارة البابا، ترى  هو مو جاي عشان يزور مرجعكم..  *وهب:* أجل جاي يزورك انت و يا قروبك؟! *المتفلسف:* لا .. جاي يزوركم انتوا (الناس)، عشان أنتوا أصلا كنتم مسيحيين. *وهب:* هل كيف؟! .. ما فهمت.. احنا مسلمين ابا عن جد. *المتفلسف:* الموضوع و مافية انكم مسيحيين الأصل قبل لا تصيرون مسلمين، و البابا جاي يزوركم لهذا السبب.  *وهب:* عجيب .. لا يكون بس انتوا فاهمين : ان لكل دين أو مذهب، يخلق الله أوادم جديدة مخصوصين بذاك الدين أو المذهب.

  *وهب:*  العيال احجزوا ليه موعد عشان التطعيم  *المتفلسف:*  لا .. يا وهب لا تطعم .. يقولون ان الفيروس تحور و تغير  *وهب:*  عيالي دارسين و متعلمين.. و يقولون ان التطعيم واجب   *المتفلسف:* من خلال قراآتي على السوشيال ميديا مثل الواتساب و الانستجرام ..و غيرها،   هذا الفيروس تغير و طلع منه نوع مختلف في بلاد الغرب .. و يمكن اللي سووا التطعيم مايدرون ان هالفيروس بيتغير.  *وهب:*  تقول بنتي .. ان اللي سووا التطعيم دارسين هالفيروس زين مازين.. و سووا التطعيم معتمدين على اجزاء ثابتة و مستقرة في هالفيروس مو الاجزاء المتغيرة.. ذه شغل دكاترة مختصين على مستوى العالم، و  منظمات دولية و شركات كبيرة و عارفين شغلهم زين.  *المتفلسف:* عجيييب.. يعني عندهم معرفة و يدرون ..تصدق عاد،  توني ادري الحين منك يا وهب *وهب:*  لا يكون حسبالك أنت وربعك عباقرة سوالف الواتساب، و السناب شات،  اللي بتنبهونهم و تعلمونهم و انتوا قاعدين و منطعجين.

وهب في السيارة مع ابنته التي تتدرب على قيادة السيارة... على يد أخيها المستطوع  *وهب:* و الله يا بنتي صارت سواقتك زينة *البنت:* البركة في اخوي المستطوع اللي ما قصر في تعليمي القيادة. *وهب:* عند الاشارة خذي يمين يا بنتيه.. عشان نروح بيت عمك.. عشان بنات عمك يعرفون انك تسوقين. *البنت:* اوه.. الإشارة صارت حمراء *الأب*  ايه .. ما فيه مشكلة احنا بنلف يمين.. خذي يمين .. فسألت أخوها المستطوع،  الحين  سألت لنا عن للوحة اللي حطوها مكتوب فيها *"قف قبل الانعطاف يمينا و الاشارة حمراء"*؟  *المستطوع:* لا و الله ما صارت عندي فرصة.. بس الاحوط انتظري لين تصير خضراء .. الاحتياط زين *وهب:*  يا ولديه ترى  اللي ورانا ذبحونا بالهرنات؟ يمكن معناها نوقف اشوي عشان نتأكد من خلو الطريق من السيارات، مو لين  تصير الإشارة خضراء... *البنت:* يبه ذي فيها مخالفة قطع إشارة (ثلاثة آلاف ريال) ما فينا شدة..  الاحوط هو الإنتظار لين تصير الإشارة خضراء... مثل ما قال اخوية الشيخ. *المستطوع:* سنعمل بالإحتياط.. و لن نمشي حتى تصبح الإشارة خضراء.. اللي يعجبه زين و اللي ما يعجبه ينطق... *وهب:*  اي اشحاركم، و الناس  هي اللي

 *الرأي و القضية*   كلمة الرأي  opinion تستعمل في التعبير عن ما  لا يمكن اثباته بدليل مثل طعم الاكل أو لون الملابس، اي  للتعبير عن الذوق الشخصي،  في المقابل هناك  مصطلح آخر يعبر عن الموقف العلمي stance و الذي يكون  قائم على البحث و الدليل و البرهان.  لذا نلاحظ أن الكل بدأ يدلو بدلوه في جميع المجالات تحت ذريعة الرأي و حرية الرأي دون التفرقة بين ذلك المفهومين

 الحمالي وهب اسأل مجرب و لا تسأل طبيب3️⃣ *المتفلسف:* عاد انت يا وهب عنيد .. تترك المجربين و تروح تسأل واحد ما استمرض و لا جرب العلاج بنفسه .. بس جربه في غيره  *وهب:* الدكاترة جربوا العلاجات في المختبرات.. و بعدين على حيوانات التجارب.. و بعدين على آلاف الاوادم..  *المتفلسف:* ايه .. لكن ما جربوه على انفسهم.. لهذا السبب اقول لك اسمع الكلام و سأل الحمالي حمد لأنه جرب خلطة الثوم و الزنجبيل و الليمون بنفسه .. دكاترتكم جربوه على انفسهم ؟ قل ؟  *الحمالي وهب:* ودي اعرف بس منو صاحب هالمقولة (اسأل مجرب و لا تسأل طبيب) لا يكون  ظانينه بس نبي و انتوا ماتدرون 

  في سوق الخضرة * مدعي الحداثة * زين ولدك وإياك اليوم.. ابي الولد يحمل الاغراض هالمرة. * الحمالي وهب: * ولديه اليوم زبون .. ماتدري انه اشتغل في شركة .. و افتك من التحميل. * مدعي الحداثة: * زين ..مبارك عليكم  ..  وش شغلوك عندهم؟ * الابن: * حطانيه مراقب على الالتزام بلبس الكمامة  داخل المؤسسة. * مدعي الحداثة: * ممتاز، هذا عمل مهم .. و عساك ملتزم بعملك و دوامك؟ * الابن: * ايه .. على احسن ما يكون .. كل اللي يشتغلون حاطين الكمامات، و لو واحد يشيل الكمامه للحظه وحده.. اصكه بمخالفة. * مدعي الحداثة: * معقول .. إلى هالدرجة؟ طيب و اللي جوعان يبي يأكل.. و لا مصاب بالسكر و عنده هبوط؟ * الولد: * ممنوع يعني ممنوع، ابد ما عندي تفاهم  .. حتى اللي يفتح اشوي من الكمامة عشان  بيشرب ماي أو بيعطس، اصكة بمخالفة .. ما ارحم أحد كلش.. و الكل يحسب لي الف حساب... بس اجي، كلهم يخافون حتى اللي لابس كمامة يحط يدة عليها عشان يتأكد انه لابسها .. اجل احنا نلعب.  * مدعي الحداثة: * و الله ذكرتني بتعسف المطاوعة المتعصبين ذيك الحين.. اللي من تجي إمرأة تفتح شيء بسيط من نقابها في مكان عام عشان  تشرب اشوي

 الحمالي وهب أسأل مجرب و لا تسأل طبيب 2️⃣ *الحمالي وهب:* احس بألم من بعد تأكيد أصابتي بالكورونا قبل كم يوم.. يبي لي اراجع المستشفى.  *المتفلسف:* لا تراجع مستشفى و لا شيء.. اخذ عصير ليمون مع زنجبيل و ثوم .. هذا احسن علاج  *وهب:* حشا، ذي تبهيرة روبيان مو علاج؟  *المتفلسف:* هذا احسن علاج .. اسأل مجرب و لا تسأل طبيب .. و هذا الحمالي حمد جربها بعد عشان تصدق.  *وهب:* أسأل المجرب عن الوجع اللي حس فيه، ممكن.. لكن عن العلاجات و فوائدها، لا.. بسأل الطبيب مو الحمالي حمد مع وجهك.

*الحمالي وهب .. أسأل مجرب و لا تسأل طبيب* 1️⃣    *وهب للزبون:* ابي تسجلني في التطعيم حق الكورونا بجوالك.. انا ما اعرف. *الزبون:*  أصبر يا وهب خل الناس يجربون اول، و بعدين نسجل انا و اياك.  *وهب:*  انا ابي اسجل الحين، عشان ما يجيني المرض.  *الزبون:*  عاد خل نصبر نشوف اللي جرب التطعيم. *وهب:*   الدكاترة يقولون، ما فيه مضرة،  و لو فيه مضرة كان ما يوتنون الناس. *الزبون:*  اسأل مجرب و لا تسأل طبيب .. خل الناس تجرب اول و سألهم عن التطعيم.  *وهب:* و من قال ان الدكاترة ما جربوا التطعيم في المختبرات، و على الآف الحيوانات، و بعدين آلاف الاوادم.. *من قال ان الدكاترة مو مجربين؟*

 *يقول  أينشتاين: “إذا لم تستطع شرح فكرتك لطفل عمره 6 أعوام فأنت نفسك لم تفهمها بعد!*