الحمالي وهب

 *الحمالي وهب.. بين التشجيع و التثبيط الفكري* 🕋توجه الحمالي وهب لأداء مناسك العمرة مع الأهل .. وفي الميقات؛ وبعد ارتداء ثوبي الإحرام.. *وهب:* 🚌يالله يا شباب خل نحرم عشان نوصل الحرم بدري وننتهي من مناسك العمرة .. تدرون؛ الحجية مافيها شدة، ويكفيها تعب الطريق، وراعي الحملة يقول كل ما تعبى باص؛ يتوجه للحرم، همتكم خل نلحق على أول باص. *الابن:* ⏳ اصبر يبه؛ خل يجي الشيخ أول.  *وهب:* يجي الشيخ اشحقه ؟  *الابناء:* عشان يعقد علينا الإحرام. *وهب:* 🎤ليش ..مو واحنا في الباص 🚌؛ طول الطريق🛣️ والشيخ يشرح  لكم أحكام العمرة المفردة❓ *الابن:* 👳🏻‍♂️ صج الشيخ ما قصر بس خله يجي يعقد علينا نية الإحرام أحسن.  *وهب:* 🚰مو لازم الشيخ.. الشيخ شفته واحنا طالعين من الحمامات؛  ينتظر دوره عشان يغتسل 🚿 و السرى زحمة، شف عاد متى بيجي. *الابن:*  ⏱️صج مو لازم شيخ .. بس خل الشيخ يجي يعقد علينا احسن.  *وهب:* 📖ما عرفت .. يعني اشلون احسن❓ مو طريقة عقد الإحرام مكتوبة في كتيب مناسك العمرة اللي عندكم ؟ و انتوا دارسين ، في الكليات و الجامعات 🎓..  وتعرفون تقرأون تكتبون🖋️؟...

 *الحمالي وهب .. التدين بين المصلحة والرياء*  في الإستراحة الشباب يستفسرون عن تقسيم ورث وهب واخوانه من أبيهم. *وهب:* قعدنا البارحة مع الشيخ عشان توزيع ورثنا .. تدرون انا عندي ثلاثة اخوان  اثنين مستطوعين، و واحد من أدعياء الحداثة.  😥ابونا وهو مريض في المستشفى؛ وصانا نخمس عنه ..لكن مالحق يكتب وصية .. و لمن جلسنا مع الشيخ..   *الشيخ قال:* .. الأفضل أن تدفعوا الخمس عن ابيكم من أصل التركة؛ ابراء لذمته.   فكان جواب اخوية  *مدعي الحداثة:* (مع اني لا أعتقد بوجوب الخمس .. لكن ما يخالف خل ندفع عنه الخمس دام هذه رغبته .. علينا احترامها رغم اختلافنا).  لكن تفاجأت برد اخوية *المستطوع الأول الذي اعترض قائلا:* (مادام، ما خمس في حياته.. خلاص؛ مو واجب علينا نخمس عنه... هذا حكم الشرع؟) و بعدين جاء اخوية *المستطوع الثاني* وكمل الدور فصرخ فينا قائلا: (اقول انكم ما تستحون، و لا تخافون الله .. اجل؛ ابونا هالمؤمن الخير تقولون عنه ما يخمس؟؟؟  اها بس انت واياه..)  و اذا *الشيخ يقول:* دامكم ما اتفقتم.. خلاص نتوكل على الله و نقسم الورث.. و بدون أداء الخ...

 *الحمالي وهب بين بيع الوهم و التزيبي* *المتفلسف:* بارك لي ياوهب ... انا صرت سفير. *وهب:* سفير مرة وحدة ؟..يعني بنشوفك في الأخبار  ؟ .. سفير في اي بلد؟ *المتفلسف:*  لا ياوهب ... انا سفير للنوايا الحسنة. *وهب:* يعني وين هالبلد؟  *المتفلسف:* هذه مو بلد ... يعني سفير حق النوايا الطيبة. *وهب:*  اشلون...؟  النية في القلب و لا يعلمها إلا الله ...اشلون انت تصير سفير لها ما فهمت؟  *المتفلسف:* ما راح تفهم يا وهب...هذه مواضيع كبيرة ماتعرفها، لأنك ما اخذت دورات مثل اللي اخذتها و خلتني اصير مدرب دولي في البرمجة اللغوية العصبية، و التستماسترز، و تنمية الذات و مستشار اسري ...و.. و  و انت يا وهب ما فكرت تطور روحك و تحصل على مثل هالدورات ؟   *وهب:* اخاف سعرهم غالي و بدون فايدة ... تدري شف لي واحد كيلو مشكل من هالدورات، خل اجرب.... يمكن اقدر  اعرف نية الزبون اذا بيعطيني خمسة ولا عشرة ريال قبل التحميل؟  😅

 *الحمالي وهب بين التكنولوجيا وضوابطها* في سوق الخضرة 🥦🥕🫑 *الزبون:* ابي اسدد بالبطاقة💳، ماعندي كاش💵.  *البائع:* و الله ماودية 😕 *الزبون:* ليش السداد بالبطاقة اسهل من الكاش و ترجيع الباقي🪙.   *البائع:* البيع بالبطاقة فيه اخطاء كثيرة❌ .. مثلا مرة مشى الزبون و العملية انرفضت من البنك ، و مرة العامل غلط وحط صفر 0️⃣على المبلغ و تحول من خمسين ريال إلى خمس مية ريال وابتلشنا مع الزبون😡  *الزبون:* شالحل يعني نتم متخلفين و لا نتطور مع العالم .. زين ما كلمتوا مشايخنا الكرام يشوفون حل لمنع هالأخطاء❓  💡 *وهب و الذي كان يحمل الأعراض:* بنتية تقول ان في بلاد الغرب اللي اخترعوا هالبطاقات حطوا لها أحكامها..  🔅فحق الزبون ان يشوف المبلغ قبل لا يحط بطاقة البنك، 🔅وحق البائع ان لا يخرج الزبون من المحل حتى يجي رد البنك بقبول العملية. *الزبون:* تبينا ناخذ عن الغرب و الكفار ياوهب⁉️ هذا اللي باقي. *وهب:* يعني و بطاقة الصراف اللي تستعملها مو من عندهم؟ 🍆🫒🧅🌽🥬🥕🥦🫒 وهكذا جميع التكنولوجيا لها ضوابطها، فهل تعرفنا على ضوابطها قبل استعمالها.

 *الحمالي وهب بين تقييم المعلومة و مصدرها*  *في استراحة الشباب  التي يعمل فيها وهب* 🔸 *المتفلسف:* شفتوا المقطع اللي يقول ان الكورونا مرض مو معدي 📱؟ اثر طول هالمدة قاصين علينا... حسبي الله عليهم🤥.  🔅 *المثقف:* عاد مادري ليش تصدقون مقاطع الفديو🎥 أكثر من غيرها.. 🔸 *المتفلسف:* الفديو صوت و صورة و هو اكبر اثبات 🎞️. 🔅 *المثقف:*  و الله ما ادري شنوا هالأثبات اللي بيصير في مقطع فديو، غير الهذرة و البربرة🗣️. 🔹 *فدخل وهب في الموضوع متسائلا:* الحين العساوة اللي بقت بعد الصرام🌴 ما تبونها، صح؟  🔸 *المتفلسف* 😆اشبتسوي فيها يا وهب ... الناس تطورت وصارت تستعمل مكانس كهربائية🔌 للتنظيف مو عسو.  🔹 *وهب:* ما تدرون... هناك دراسة 🧪تثبت أن  أعواد العسو🧹 أن غليتوها  و استعملتوها في سبع الحدايد تشفي من  مرض الكورونا🦠 ... و آنا جربت هالعلاج  💊 مع ولد اختية و طاب، عقب 3 ايام وصحته احسن ما يكون 💪 . 🔸 *المتفلسف:* صج ⁉️ و الله كل شيء جايز  ... بس عطنا المصدر. 🔅 *المثقف:* مو توك تقول ان مرض الكورونا مو معدي❓ 🔸 *المتفلسف:* ما علينا .. مع...

 *الحمالي وهب بين الشكوى و النقد* 3️⃣ *المتفلسف:* احنا مثقفين نعرف نقرأ و نكتب ؛ لذا من حقنا أن ننقد اي شخص.. و لا يحق لكم ان تمنعونا عن ممارسة النقد بحجة التخصص.  *وهب:* كيف تنقدون موضوع لا تفهمونه؟  *المتفلسف:* ممكن جدا  ان ننقد اي تخصص، مثلا ممكن ننقد الطبيب اذا جاء الدوام متأخر، و لا بعد تبونا نسكت و تكمموا افواهنا عنه لأنه طبيب⁉️ *وهب:* عدم انتظام الطبيب في اوقات الدوام؛ تلك شكوى و ليست نقد .. اذهبوا و اشتكوا عند إدارة المستشفى وخلاص. *المستطوع:* اجل النقد شنوا.. يا عبقري زمانك ❔ *وهب:* اقولك ..  يوم استمرضت الوالدة جاو الدكاترة جنب سريرها وشفتهم كيف ينقدون:  🔸 *الطبيب الأول* اشوف لو انكم مسويين الاختبار الفلاني احسن.  🔹 *الطبيب الثاني:* ما نقدر نسوي ذلك الاختبار لأن ذلك الاختبار يحتاج مدة طويلة؛ و الحالة ما تستحمل.  🔸 *الطبيب الأول:* اها.. معك حق، لكن لماذا لم تعطوها ذلك العلاج المعروف لهذه الحالة؟  🔹 *الطبيب الثاني:* وهل تعتقد أنه يفيد في مثل هذه المريضة  رغم أنها تعاني من كيت وكيت؟ ...    و هكذا استمر نقاش ونقد...

 *الحمالي وهب... و التطفل العلمي* بعد رسوب ونجاح.. اخيرا تخرج  ابن الحمالي وهب من المرحلة المتوسطة ... و حصل على وضيفة سكرتي في أحد  المستشفيات🏥.  *في سوق الخضرة*  😃 و هب طاير من الفرح بإنجاز ابنه؛  و يتفاخر به امام مدعي الحداثة. *وهب مخاطبا ابنه*:  ايه ياولديه  .. الشغل في المستشفى زين، و تقدر تسوي علاقات و واسطات.. 🩸و اذا شفت الدخاترة بيسوون عملية؛ عاد طل عليهم 🙄. *الولد:* ليش يبه؟  ..💉 اش ليه في الجروح و الدمان!!؟   *وهب:* عشان  تتعلم اشلون يسوون عمليات .. و بعدين  تقدر تسوي عمليات بروحك.. 🩺 و يمكن يشغلونك دختور في المستشفى. *مدعي الحداثة:*  اشلون ⁉️  اذا شافهم يسوون عمليات؛  بيتعلم..⁉️   اقول...  رح بس انت مع  اولدك .. اللي يسوون عمليات دارسين في الجامعة سنين و منين.  *وهب:*  ليش هالكلام بس .. هذا انتوا؛  طليتوا على الكتب الدينية 🧮؛ و صرتوا تفتون، و تفهمون في الدين احسن من المجتهدين  اللي درسوا عشرات السنين📖...و احنا ما قلنا لكم شيئ 🤫..  *ولا هي ما جا...