الحمالي وهب

في يوم من الايام المتفلسف شاف الحمالي وهب في المستشفى  *المتفلسف:* اش عندك يا وهب جاي المستشفى اليوم .. عسى ما شر سلامات ؟ *وهب:* والله امس وانا اصلي شكيت في عدد الركعات  *المتفلسف:*  اش خص عدد الركعات في المستشفى؟ صاحي انت ؟  *وهب:*  😄😃 لا ما فيني شيء .. بس قلت اجي اسأل الدخاترة عن حكم الشك في عدد الركعات ؟ *المتفلسف:* بتجنني ياوهب .. اشلون تجي المستشفى علشان تعرف شيء في الدين😬؟  *وهب:* مثل ما انتوا تروحون الديوانية وتسألون الحداثويين عن الدين ..  الحين عرفت منو اللي مو صاحي 😄😃 كذلك من يذهب إلى الحسينية ليتسمع عن الدي ان ايه DNA او الذكاء الاصطناعي

*الحمالي وهب:* اشفيكم على الناس من متدينين ومستطوعين .. مو انتوا تحبون الحرية والديمواقراطية، وتدعون اليها؟  *المتفلسف:* ايه الحرية انكم تسوون الصح مو الخطأ  *وهب:* انتوا تشوفونا خطاء واحنا نشوفكم خطأ .. خلاص جوزوا عنا واحنا نجوزكم عنكم وعن حداثتكم المزيفة، ولا مثل ما ترددون دائما (خلوا خرافتنا تمشي جنب خرافتكم).  *المتفلسف:* تبينا نترك الخطأ ونسكت عنه ؟  *وهب:* اجل تبينا ندوس في بطن بعض ؟  *المتفلسف:*  اجل وين دعوة الأنبياء وهداية الناس  *وهب:*  الأنبياء جاو وقاموا بدورهم.. والحين الناس اتركوا وأد البنات .... وعبادة الاصنام.  *المتفلسف:* يا وهب .. اصنام اول Built out واصنام الحين Built in *الحمالي وهب:*  اها عاد لا تتفلفس علينا ..  عشان شفت روحك عرفت كلمتين عنقريزي...  تكلم عربي  *المتفلسف:* اصنام الحين يا وهب موجودة في مخوخكم واحنا اللي  بنكسرها.. مثل ما نبي الله ابراهيم كسر الاصنام.  *وهب:* الله يكسر رأسك انت واياه .. هذا اللي ناقص بعد .. *يعني بتنصبون أنفسكم في منزلة الأنبياء من دون الله وتقومون بدورهم؟*

*الحمالي وهب وخلق الانسان من التراب* *المتفلسف:* ياوهب انتوا إلى متى ما تجوزون عن هالخرافات 👻 والخزعبلات❓ *وهب:* اي خرافات👻 واي خزعبلات بعد ⁉️ *المتفلسف:*  تقولون ان الانسان مخلوق من طين ، وتحليل 🔬الطين يختلف 📈عن تحليل📉 الانسان 🚹 *وهب:* لمن يكون عندنا شيء مصنوع من أشياء أخرى،🤔 لازم يختلف عنهم مايصير مثلهم بالظبط، لأنه يأخذ اللي يحتاجه من مواد، ثم تتتحلل هالمواد وتتركب من جديد. 👀 .. ويستوون شيء ثاني غير ومختلف. *المتفلسف:*  بدأنا بالتملص .. ياوهب ⁉️ *وهب:*  انزين بسألك.. الحين موب التمر 🫘استوى من التراب 🛘 والسماد ❓ *المتفلسف:* ايه ... طبعا❓ *وهب:*  ومع ذلك  تركيبة 📊 التمر 🫘تختلف عن التراب والسماد 🛘.  واذا مو مصدق جرب بنفسك وشوف *التراب والسماد*🛘 *فيهم طعم التمر 🫘ولا .. لا* ...🤪

 ريبة  قبل عدة ايام عندما كنت في أحد المجمعات التجارية الكبيرة بالشرقية مع العائلة، لإجل التسوق طبعا ..  ومثل ما تدرون، الحريم تجيهم طاقة غير معهودة في الاسواق أمام الكم الهائل من البضائع المتعددة.. وبعد المشي معاهم حسيت اني تعبت.. وما ان لقيت كرسي فاضي حتى ذهبت بسرعة لأجلس عليه.. الكرسي كان به ثلاث مقاعد، عاد انا جلست على المقعد الجانبي، تاركا بجانبي مقعدين للي يبي يجلس على واحد منهم على الأقل.  وبعد أن خف التعب اشوي ..  الا واجد امرأة وابنتها يقتربون مني، الأم تلبس العباة والنقاب، والبنت يبدو أن عمراها حوالي ١٦ عاما وتلبس عباءة ملونه مع شال يغطي جزء من شعرها..  عاد انا قلت خل اقوم واترك الكرسي لهم عشان يرتاحون، واذا بالام حلفت علي ان لا اقوم عن الكرسي..  قلت لها هناك كراسي فاضيه سأذهب لأجلس عليها.. لكنها كررت قسمها وقالت: أن مشيت فلن نجلس على هذا الكرسي. ما كان مني الا ان استسلمت امام اصرارها فجلست الأم على المقعد الثالث وجلست البنت في المنتصف فأصبحت بجانبي، عندها شعرت بأن تلك البنت مثل ابنتي.

 *الحمالي وهب والتناقض في الاستدلال* *وهب لإبنه المستطوع:* ياولديه انت شايف انا كبرت  وتعبت في التحميل في سوق الخضرة🏋🏻‍♀️، ولا فيه شدة على  طلبات طخة هالعيال👨‍👨‍👧‍👧 صاروا جنجل.  *المستطوع:* ايه والله يبة.. صج طلباتهم زايدة هالأيام💵💰. *وهب:* كلم صاحب السماحة👳🏻‍♂️ وقول له يعطينا مساعدة من الحقوق الشرعية... *المستطوع:* صج...فكرة زينة 😇 .. خصوصا وأن امك سيدة... يعني تستحق.   *وبعد يومين* 💡 *المستطوع:* يقول سماحته ان تلك الاموال لمن ينتمي إلى آل رسول الله..  وعن طريق الأب.. وهذا لا ينطبق عليك.  *وهب:* ما يخالف.. اجل قل له يسجلنا في الجمعية مع الفقراء ... شنسوي أمرنا لله.  *الأبن المستطوع:* اشوف اقول له..  *المستطوع بعد يومين:* 💡يقول سماحته لا يجوز أن تأخذ من الصدقات😓 لأنك تنتمي إلى  آل رسول الله عن طريق الأم.  *وهب:* والله حيرتونا🤔.. يعني انا الحين انتمي ولا ما انتمي .. لو كنتوا  فاهمين صح جان ما صارت انتمي ولا انتمي في نفس الوقت...  راجعوا دروسكم عدل وجاوبونية. 🍇🍏🍉🫐🍒🥝🍓🥒 لو كانت طريقة الاستدلال صحيحة لكان...

 *الحمالي وهب بين الفقه والاخلاق* 👨‍👩‍👧‍👦الحمالي وهب قاعد في الحوي مع ابنه المستطوع يسالفون. 🍼 في هذه الاثناء أراد وهب ان يلاطف طفله الصغير الذي يلعب بالقرب .. 🚼واذا بالطفل يصرخ😰 خائفا من أخيه المستطوع  *وهب مخاطبا المستطوع:* اشفيه الولد خايف منك؟ *المستطوع:* ما ادري اشفيه .. هون ما بينيه هالايام 💔 *الأم:* من يوم ما صوت عليه 👈؛ لمن دخل غرفتك وهو ما يبيبك ويخاف منك. 💓 *المستطوع:* ⛔كم مرة قلتلكم لا تخلونه يدخل غرفتيه.. اخاف الغرفة تتنجس منه. *الأم:* اخوك اصغير وجاهل .. ما يفهم و تروح تصوت عليه⁉️ *المستطوع:* ايه .. ذاك اليوم دخل الغرفة وحفاظته مو مغيرة.. يعني اخليه ينجس الغرفة❓ *الأم:* واذا تنجست الغرفة .. الماي يطهرها..🧼 ولا تروع اخوك وتصوت عليه. *وهب:* يعني *انت خايف على غرفتك لا تتلوث، ولا انت بخايف على قلب اخوك الصغير لا يتلوث بكره الدين والمتدينين* ⁉️ اي أهم قلب اخوك ومحبة الدين ولا فرشة غرفتك‼️

 *الحمالي وهب و الشيخ قوقل* *مدعي الحداثة* وهب مب انت درست في الحوزة؟  ...أجل تعال اقرأ عندنا في الحسينية .. ابويه تعبان و قد  وكلني  على الحسينيه *وهب*  اقرأ.. ؟؟!!  اشلون؟ انا ما درست الا الأجرومية بس و لا اعرف اقرأ.  *مدعي الحداثة* يعني و هالملالي اللي يقرون شدرسوا؟ اهو بس...  باجر و فاة السيدة مريم بنت عمران ...نزل لك بيتين من الشيخ قوقل و تعال اقرأ لنا.  *وهب* ايه... عاد هذا موضوع يحتاج له قراءة كتب و تحضير... *مدعي الحداثة* ما يحتاج لا كتب و لا  شي... الحين كل شيئ موجود على  الإنترنت ... و حسبنا محرك قوقل 🖥.  وهب ما صدق على الله 😊 *و في الحسينية* بدأ وهب بقراءة الأبيات على المنبر:-  -قامت مريم بنت داوود إزاء العود  -تندب ابنها المصلوب بإيدي الجنود  -رمح الحزن غائص في نفسها...  -و من الآمه غابت عن حسها ... -يا مريم يا عروس الر...  *مدعي الحداثة* شيقول ذا..⁉  سكتوه بسرعة🤐 طفوا المكروفون🎙 قطعوا الكهرب⚠ سووا أي شيئ...  فضحنا ... شبتقول   عنا الناس ⁉   تلقى *هالثور وهب...

 *الحمالي وهب..هلال العيد والتكنولوجيا* في الديوانية  *وهب:* الحين ثبت العيد 🌙باجر لو لا، ترى تخربطنا❓ *مدعي الحداثة:* العلم تطور وصار هناك أقمار 🛰️ صناعية، و تلسكوب🔭، و انتوا بعدكم على شافوه و لا ما شافوه 👀، اقول قعدوا على تخلفكم.  *المستطوع:* 😬هذا دين مو لعب .. عصر النص ماكان فيه نت 🖥️ولا هالتكنولوجيا اللي صنعها الكفار.. ولا يوجد اي نص 📖يجعلنا نقبل استعمال هالتكونوجيا في ثبوت الهلال🌙. *وهب:* اجل على اي اساس بتعيد باجر❓ *المستطوع:* على مبنى وحدة الأفق 🌎، لأنهم شافوا الهلال وبأعينهم🌙 في بلاد الواق واق، و حضر الشهود الثقاة عند الشيخ الفلاني الذي يعرفه الفضلاء. *وهب:* و اشلون عرفتوا ان الهلال🌜 ثبت في ذيك الديرة البعيدة. *المستطوع:* بالجوال📲، و بشبكات التواصل الإجتماعية.. الحين العالم تطور و كلشي ينعرف في نفس الوقت📡.   *وهب:* وهذي مو استعمال للتكنولوجيا❔ بس بطريقة غير مباشرة ❔  *المستطوع:* اشلون❓ *وهب:*  .. يعني اللي يستعمل التكنولوجيا لمعرفة ثبوت الهلال في ديرته ما يجوز.. و اللي يستعملها عشان يعرف انه ثبت الهلال في بلاد الواق واق ثم يتبعهم ي...

 *الحمالي وهب بين العيد وقطع المسافة* الحمالي وهب يحاچي  اخوانه وعيال عمه :  تدرون ان چبير حمولتنا فلان مسافر للعلاج🏥 ..   و يبي يسوي لنا غدا ومعايد🎉 مثل العادة كل سنة في العيد🎊 عشان چذا  وصاني اسوي غدا العيد على حسابه من چيسه💰.  *الجماعة:* الله يشفيه ويوليه العافيه 🏥 .. والله ماقصر *وهب:* اجل انتوا كلكم معزومين  باچر على غدا العيد ☪️ عند شركة السميت . *الجماعة:* وين، يم شركة السميت ⁉️ماهناك الا البر🌅 *وهب:* بنحط خيمة ⛺هناك وبنسوي حفل المعايدة 🎡 والماچله.  *الجماعة:* من صجك ياوهب❔ اشمعنى عاد شركة السميت❓ 🛤️ *وهب:* عشان لا تشغلونا 🤔..  هذا ثبت  عنده وهذا ما جابه 🌙... كلكم بتقطعون مسافة شرعية 🛣️ إلى شركة السميت 🏞️ونعيد جميع🎉 في يوم واحد وخلاصنا..  أزينا ..  وانصح باجي الحمايل يسوون جيزنا يحطون خيام⛺🏕️🎪 يعيدون عند شركة السميت، ونطلع من خيمتنا ونعيد على بقية الخيام اللي 👨‍❤️‍💋‍👨 جنبنا في مضارب بني سميت... وعليكم العيد مبارك

 *الحمالي وهب: الخوف من معصية الله أم من طاعتة* الحمالي وهب وابنه المستطوع   *وهب:*  شف ياولديه هلأسبوع بروح مكة اتعمر .. وهالله هالله في البيت، والعيال. *المستطوع:* يبه موب انت رحت الحج من قبل، وتعمرت بعد من قبل ؟.. خلاص من قضى فرضه قبض ارضه..  اشحقه تروح بعد؟  *الحمالي وهب:*  اشلون بعد اشحقه نروح؟ .. نروح نتعمر ونطلب الأجر، والثواب.. وطاعة الرحمن. *المستطوع:* الأعمال الخيرة واجد، وتقدر تسويها، مو لازم الا عمرة.  *وهب:* ما ادري ليش ما تبيني اروح؟  *المستطوع:* والله .. صاحب السماحة يقول ان مناسك العمرة كثيرة وفيها إحرام ومحرمات الإحرام كثيرة.. والأفضل انك اذا رحت مرة، ولا مرتين خلاص ما تروح بعد عشان ما تخطىء في مناسك العمرة.  *الحمالي وهب:* تطمن احنا عارفين مناسك العمرة زين، ومعانا شيخ مرشد؛ يعني الأمور تمام التمام.  *المستطوع:* حتى لو عارف الأحكام يبه.. سماحتة يقول الأحوط انك ما تكثر من أداء العمرة.. مرة وحدة تكفي. *وهب:* تبي الصج .. والله مافهمت ليش سماحته مايبينا نروح نتعمر أكثر من مرة ؟... والمفروض يشجعنا على عمل الطاعات، اخاف مشتبه ...

 *الحمالي وهب وثقافة ترديد الببغاء* في اول يوم دراسي توجه وهب بسيارته الددسن 🚗 عشان يوصل عياه للمدارس كان الطريق مزدحما، وما في احد يوقف او حتى يخفف السرعة اشوي؛ عشان يعطي فرصة لوهب ليدخل الى نافذ المدرسة. اضطر وهب ان يقطع الطريق ليدخل الى النافذ 🛑 و اذا بواحد من السائقين يمسك بريك بقوة، وصاح في وهب يا بن ال "طوووط"  الطريق مو لك يا "طوووط"😡  *وهب:*  اقول انكم خرّاطين ...اذا طريق في الدنيا ما خليتونا نمر .. اشلون يوم القيامة؟؟ مب تدخلون الجنة قبلنا... *السائق:* اشدخل الجنة بعد انت ؟؟  *وهب:* مسرع ما نسينا رسايل آخيتك في الله صافيتك في الله...  اللي يوم الغدير قبل اسبوع؟؟   😏

 *الحمالي وهب و الإنتصار الزائف* *المستطوع*   وهب ...اعياليه اشتركوا في مسابقة تلاوة القرآن 📖...و نبي فزعتكم عاد 💪 *وهب*  فزعتنا ...❓ حشا هاذي مسابقة ولا مصارعة⁉️ *المستطوع* اقصد ابيكم تصوتون 🗳️حق عيالية عشان يفوزون بالمراكز الأولى.. مثل ما فزت آنا في مسابقة الشعر يوم صوتوا ليه📱بالجوال  عاد هالله هالله في التصويت .. ابي كل عيالكم و عيال فريجكم يصوتون👯‍♂️👨‍👩‍👧‍👧.  *وهب*  ...بس اذا صوتنا لهم و فازوا 🎖️ ..ما يصير فوزهم ذا بالعفرته ⁉️ *المستطوع* اشلون بالعرفته،  🤔 هذا تصويت و أسلوب متطور يا وهب. *وهب* ما اقول الا الله يرحم ايام المطوع ...كان كل من يختم القرآن📖 فايز، 🏵️ ويحتفلون فيه و يقرون له التحميدة و يزفونه مثل المعرس🎓. ✨و بعدين ابي اعرف.. الحين اذا فازوا عيالك 👩‍👩‍👧‍👧 بالدف والتصويت .. صج بتتحسن تلاوتهم 🗣️ وتصير احسن تلاوة❓ ولا انت اللي صرت احسن شاعر صج⁉️

 *الحمالي وهب .. و حرية الرأي*  الحمالي وهب .. يتصل هاتفيا بشركة الطيران.. في بدايات جائحة كوفيد١٩. *وهب:*  الو.. شركة الطيران .. عندي حجز على بكرة و عندي استفسار. *الموظفة:* مرحبا.. تفضل     *وهب:*  انا صاحي ما فيني شيء  و الحمد لله .. هل احتاج فحص عن الكورونا عشان اركب الطيارة؟  *الموظفة:*  لا ما يحتاج.. اخي الكريم  *وهب:*  بس حسابكم على شبكات التواصل؛ يقولون الفحص قبل الرحلة بيومين وللأجانب فقط وليس للمواطنين اللي بيرجعون ديرتهم .. لكن صديقي حمد يقول ان الموظف اللي وياكم قال له: ان اللي ما عنده فحص جديد، ما يركبونه الطيارة ايا كانت جنسيته ... انا محتار مو عارف شسوي؟    *الموظفة:*  نعم اخي الكريم ...ذلك تعدد آراء و هو أمر طبيعي و عليك احترامه... و نشكرك على اختيار شركتنا الجوية.. مع السلامة  *و هب:* هاه .. تعدد رأي؟ و الله ما عرفت.. يعني الحين شسوي..

 *الحمالي وهب.. و التباهي بالماديات*    المتفلسف برفقة ابنه  في المستشفى *المتفلسف:* و الله اني ابتليت بأمراض الضغط و السكر ..متى بس الله يفكني منها ..  *الولد*  يبه.. عاد انتو ما رحمتوا روحكم في النهار مجابيس و في الليل وجبات سريعة و مطاعم .. و لا تأكلون؛ لا خضروات و لا فواكه ... و لا حركة و لا رياضة؛ كل مكان تروحونه  بالسيارة. *المتفلسف:* الحمد لله و ضايفنا مريحة، و رواتبنا زينة بعد، و عندنا سيارات.. ليش ما ناكل، و ليش تبي لنا  التعب. *و أثناء الحوار.. و اذا بوهب  يدخل المستشفى فقال المتفلسف لإبنه:* تصدق ان الحمالي  وهب الحمالي؛ كان زميل معانا في المدرسة لكنه ما كمل دارسة و الحين يشتغل حمالي في سوق الخضرة ..  اكيد دقه المرض دق بسبب الفقر و التعب ..   *الولد:*  باين عليه ما فيه شيء ... تلقى حياته صحية أكثر مننا.. يأكل خضروات و فواكه و يتعشى خفيف ..روب ولا صالونه... و غير شغل التحميل؛ رياضة يومية.  *المتفلسف*  يوه عاد  ... سويت حياة الحمالي احسن من حياتنا.. خل نسألة الحين وتشوف. *المتفلسف* وهب ... سلاما...

 *الحمالي وهب وحقوق المطلقة* *الابن:* 📱يبه.. ولد عمي اللي عايش بره و متزوج من أجنبية يبي  يكلمك ضروري.  *وهب:* خير اشصاير ⁉️ *الابن:* 👩‍👧‍👧مشاكله مع زوجته الأجنبية واصلة للطلاق، بعد عشرين سنة زواج🎖️، ويبي يكلمك... خل اتصل عليه الحين .. هاك، كلمه 📲 *وهب:* ✋اذا ماكو فايدة ياولد اخويه خلاص طلق.   *ابن الاخ:* ايه خلاص بنطلق ان شاء الله .. بس المحكمة حاكمة لها بنصف ما املك 😱.. لأنها ماكانت 🤰تشتغل و تقضي وقتها كله في العناية  بالبيت 👩‍🍼 وتربية العيال ... لكنها مسلمة واهلها مسلمين و أصلهم من بلاد إسلامية.. ليش تبي حكم الغرب الغير مسلم .. قلت اكلمك تشوف 👳🏻‍♂️ شيخ يقول لها ان اللي تسويه؛ هي واهلها ما يجوز.  *وهب:* 💷لو انك حاط شغالة مو احسن؟  *ابن الاخ:* 💸الشغالة هناك راتبها قريب من راتبي.. صعبة.  *وهب:*  💶انزين ولو حاط 🍼مربية حق العيال.  *ابن الاخ:* 💸💸ذي راتبها أكثر من راتبية..  *وهب:* ⚖️اجل شف ياولد اخوية؛ اقبل بحكم المحكمة و عطها النصف احسن. *ابن الأخ:* 😬ليششش ياعمي؟  *وهب:* ⚖️ لأن لو بتحسب لها راتب شغالة حق شغ...

 *القرمشة*🍟 *والصحة* تعريف القرمشة: 🍗هي خروج الماء من طبقة الطعام الخارجية و دخول الزيت بدلا عنه🍤 🍟 تناول المقليات بين 4 الى 6 مرات بالأسبوع يزيد من احتمال الإصابة بأمراض 🩺 السمنة، السكر، و القلب وتصلب الشرايين بنسبة 25% .. فهل ممكن ان نتنازل عنها أو  نقلل منها لإجل صحتنا.

  * شراب الفيمتو * ياترى أيهما أفضل المشروبات الغازية ام مشروبات رمضان التي تعد في المنزل (الشربت) 🍹 مثل شراب التوت(الفيمتو) أو شراب البرتقال (التانج) و ما شابه؟ 💡الجواب هذه المشروبات أفضل من المشروبات الغازية لعدة أسباب 🔅 المشروبات الغازية تحتاج إلى سكر أكثر لأجل الطعم بسبب وجود الغاز،  كما أنها تحتوي على مواد حافظة و كافين و تفتقر إلى فيتامين سي في معظمها اما الشربت ففيه عدة مزايا تجعله يتفوق على المشروبات الغازية ...و لأنه يعد في البيت ،ممكن تدعيمه و تعديل مكوناته 1- ممكن ان نتحكم في تركيز المشروب و كمية السكر او استعمال المحليات منخفضة السعرات أو الخالية من السعرات الحرارية. 2- ممكن تدعيمه بإضافة عصير طبيعي إليه مثل الليمون أو البرتقال أو  إضافة قطع فواكه طازجة و تركها ليلة في الثلاجة 3 -ممكن تدعيمه بإضافة بذور الشيا الغنية بعدة عناصر غذائية اهما الألياف الغذائية و اوميغا.

 *الحمالي وهب والمنع القسري* ذات مساء خرج الحمالي وهب من بيته في القرية و معه ابنه الصغير في السيارة. *الطفل:* 😊يبه؛ شفت المطعم الجديد اللي فتحوه في بلدنا؟ خل نروح نأكل فيه .. شكله حلو😋 *وهب:*  ياولدية.. هذا مطعم أجنبي.. ولا ندري عن مصدر لحومهم🍖 ودجاجهم. *الولد:* يعني اشلون .. ⁉️ *وهب:* ☪️ما ندري اذا الذبح عندهم اسلامي صحيح ولا لا. *الولد:* ♨️بس يبه كل المطاعم انت ما حضرت ذبحهم. *وهب:* ايه بس ذيلو مسلمين.  *الولد:* واشدراك بعد .. يمكن الاجانب عندهم مسلمين و يذبحون لهم. *وهب:* 🤫بس بل ربربه.. احنا مو متطمنين حق هالأكل الأجنبي.. و لا برايحين هالمطعم.. فهمت❓  *الولد :* 👀ما عليه ... *لمن اكبر واشتغل؛ ويصير عندي سيارة، وفلوس؛  بروح هالمطعم و بأكل منه.*

 *الحمالي وهب.. بين التشجيع و التثبيط الفكري* 🕋توجه الحمالي وهب لأداء مناسك العمرة مع الأهل .. وفي الميقات؛ وبعد ارتداء ثوبي الإحرام.. *وهب:* 🚌يالله يا شباب خل نحرم عشان نوصل الحرم بدري وننتهي من مناسك العمرة .. تدرون؛ الحجية مافيها شدة، ويكفيها تعب الطريق، وراعي الحملة يقول كل ما تعبى باص؛ يتوجه للحرم، همتكم خل نلحق على أول باص. *الابن:* ⏳ اصبر يبه؛ خل يجي الشيخ أول.  *وهب:* يجي الشيخ اشحقه ؟  *الابناء:* عشان يعقد علينا الإحرام. *وهب:* 🎤ليش ..مو واحنا في الباص 🚌؛ طول الطريق🛣️ والشيخ يشرح  لكم أحكام العمرة المفردة❓ *الابن:* 👳🏻‍♂️ صج الشيخ ما قصر بس خله يجي يعقد علينا نية الإحرام أحسن.  *وهب:* 🚰مو لازم الشيخ.. الشيخ شفته واحنا طالعين من الحمامات؛  ينتظر دوره عشان يغتسل 🚿 و السرى زحمة، شف عاد متى بيجي. *الابن:*  ⏱️صج مو لازم شيخ .. بس خل الشيخ يجي يعقد علينا احسن.  *وهب:* 📖ما عرفت .. يعني اشلون احسن❓ مو طريقة عقد الإحرام مكتوبة في كتيب مناسك العمرة اللي عندكم ؟ و انتوا دارسين ، في الكليات و الجامعات 🎓..  وتعرفون تقرأون تكتبون🖋️؟...

 *الحمالي وهب .. التدين بين المصلحة والرياء*  في الإستراحة الشباب يستفسرون عن تقسيم ورث وهب واخوانه من أبيهم. *وهب:* قعدنا البارحة مع الشيخ عشان توزيع ورثنا .. تدرون انا عندي ثلاثة اخوان  اثنين مستطوعين، و واحد من أدعياء الحداثة.  😥ابونا وهو مريض في المستشفى؛ وصانا نخمس عنه ..لكن مالحق يكتب وصية .. و لمن جلسنا مع الشيخ..   *الشيخ قال:* .. الأفضل أن تدفعوا الخمس عن ابيكم من أصل التركة؛ ابراء لذمته.   فكان جواب اخوية  *مدعي الحداثة:* (مع اني لا أعتقد بوجوب الخمس .. لكن ما يخالف خل ندفع عنه الخمس دام هذه رغبته .. علينا احترامها رغم اختلافنا).  لكن تفاجأت برد اخوية *المستطوع الأول الذي اعترض قائلا:* (مادام، ما خمس في حياته.. خلاص؛ مو واجب علينا نخمس عنه... هذا حكم الشرع؟) و بعدين جاء اخوية *المستطوع الثاني* وكمل الدور فصرخ فينا قائلا: (اقول انكم ما تستحون، و لا تخافون الله .. اجل؛ ابونا هالمؤمن الخير تقولون عنه ما يخمس؟؟؟  اها بس انت واياه..)  و اذا *الشيخ يقول:* دامكم ما اتفقتم.. خلاص نتوكل على الله و نقسم الورث.. و بدون أداء الخ...